АН-ын ҮЗХуралдаан өндөрлөж, намын дарга З.Энхболд нэр дэвшигчдийг албан ёсоор танилцууллаа. ҮЗХ-ны хурлаар нийт 76 нэр дэвшигчийг тодруулж, хуулийн дагуу 16 эмэгтэй нэр дэвшигчийг танилцуулав.

Эдгээрээс дурдвал Орхон аймагт нэрээ татсан УИХ-ын гишүүн М.Батчимэг Сүхбаатар дүүрэгт гишүүн нэр дэвшихээр болсон бол түүний оронд Р.Амаржаргал гишүүн нэр дэвшихээс татгалзсан байна. Мөн Баянхонгор аймагт олимпийн аварга Н.Түвшинбаяр нэр дэвшинэ. Энэ удаагийн сонгуульд Ардчилсан нам болон бусад намаас гишүүд элсэж, нэр дэвшихээр болсон. Эдгээр гишүүд АН-ын дүрмийн дагуу шууд ҮЗХ-ны гишүүн болж байгааг намын дарга энэ үеэр хэллээ.

Өнгөрсөн сонгуулиар Сүхбаатар аймгаас нэр дэвшиж ялалт байгуулж байсан М.Зоригт гишүүн Дорнод аймагт,  нэрийг нь дэвшүүлэхгүй гэж байсан С.Баярцогт Сэлэнгэ аймагт, Хөвсгөл аймагт Ц.Оюунгэрэл, Х.Тэмүүжин, М.Батчимэг, Л.Гантөмөр нар Сүхбаатар,Багануур дүүрэгт, С.Дэмбэрэл Чингэлтэй, Налайх дүүрэгт, Сонгино хайрханд Л.Эрдэнэчимэг, О.Магнай нар нэр дэвшихээр боллоо. МАН болон АН-ын нэр дэвшигчдийн нэрсийг харвал хамгийн өрсөлдөөнтэй тойргууд нь Баянзүрх болон Сүхбаатар дүүргүүд юм. Ингээд бүх намын нэр дэвшигчдийн нэрс тодорсноор удахгүй сонгуулийн сурталчилгааны ажлууд эхлэх болно.