Бусад

Дээд давхарт амьдардаг хүмүүс урт насалдаг

Г.Хулан news.trends.mn
2015-05-26 01:30

 

 Бернийн их сургуулийн эрдэмтэд дээд давхрын байранд амьдардаг хүмүүс урт насалдаг болохыг тогтоожээ. Мөн Швейцарийн эрдэмтэд дөрөв ба түүнээс дээш давхруудад амьдардаг 1.5 сая орчим хүнд нарийн судалгаа явуулжээ. Уг судалгааны явцад 2001-2008 онд 150 мянга гаруй хүмүүс нь нас барсан байна. Ингээд дүн шинжилгээ хийж үзтэл найм болон түүнээс дээш давхарт амьдрагсад аливаа шалтгаанаар нас барах нь нэгдүгээр давхрынхнаас 22 хувиар бага байв. Тухайлбал доод давхрынхан уушгины өвчнөөр 40, зүрх судасны өвчнөөр 35, уушгины хорт хавдраар өөд болох нь 22 хувиар их байдаг аж. Харин нэгдүгээр давхарт амьдрагсад цонхоор үсэрч амиа хорлохгүй байх цорын ганц давуу талтай аж.   Эрдэмтдийн үзэж буйгаар дээд давхрынхны эрүүл мэнд сайн байдаг нь өндөр давхарт агаарын бохирдол бараг очдоггүйтэй холбоотой гэнэ. Түүнчлэн тэд хааяа ч болов шатаар өгсдөг нь зүрхний өвчнөөс сэргийлдэг байна.