Бусад

Алтай нутгийнхан “Алтайн өдрүүд” -ээр хөгжлөө сурталчлав

Bolor Rose news.trends.mn
2015-05-27 13:18

 

Говь-Алтай аймгийн удирдлагууд  “Алтайн өдрүүд”  өдөрлөгийг энэ сарын 23-28-ний өдрүүдэд зохион байгуулж төгсгөлийн үйл ажиллагаа Чингисийн талбайд түүх соёл, хөгжил дэвшил, шинэхэн брэндийн бүтээгдэхүүнээ дэлгэсэн  үзэсгэлэнгээр үргэлжиллээ .  Үзэсгэлэнд Алтай нутгийн иргэдийн хийсэн Алтай брэндийн дарс, үндэсний ноолууран хувцас, цагаан идээ, малын  эдлэл хэрэглэл гэх мэт  олон үндэсний брэндийн бүтээгдэхүүнээ дэлгэсэн байв. Түүнчлэн Говь-Алтай аймагт ашиглалтад ороод удаагүй байгаа шинэхэн цэвэр усныхаа дээжээр үзэсгэлэнгээ чимсэн байв.

Энэ талаар Аймгийн Засаг Даргын Орлогч Д.Батсайхан “ Бид энэхүү өдөрлөгийг  “Сонсох, сонсгох” гэсэн уриатайгаар Алтай нутгийнхаа арвин их хөгжил цэцэглэлтийг таниулах зорилготойгоор зохиож байна.  энэ өдөрлөгийн хүрээнд олон арга хэмжээнүүд зохиосон. Үүний нэг Говь-Алтай аймгийн 21 сумаас нутгийнхаа түүх соёл, хөгжил, үндэсний брэндээ сурталчилан өнөөдөр Чингисийн талбайдаа үзэсгэлэнгээ гаргаж байна. Манай нутгийн увьд дэд бүтцийн бүхий л асуудал шийдэгдсэн. Мөн Улаанбаатар хотод суугаа нутгийн иргэддээ аймаг орныхоо хөгжлийн төлөө нэг санаатайгаар дэмжин ажиллаарай гэж уриалмаар байна” хэмээн ярив.