Ерөнхий сайд Ч.Сайханбилэг өчигдөр энэ сарын 23-27-ны хооронд ажлын айлчлал  хийхээр АНУ-ыг зорьжээ.

Ерөнхий сайд айчлалынхаа эхэнд Вашингтон хотод ажиллах бөгөөд энэ үеэрээ Майкрософт Корпорацийн Инноваци, бодлогын төвтэй танилцахын зэрэгцээ 25-нд болох Монгол Америкийн бизнес форумд оролцож, үг хэлэх юм байна. 

Мөн АНУ-ын дэд ерөнхийлөгч Жо Байдэн, худалдааны сайд Пэнни Притцкэр нартай уулзалт хийх бөгөөд ОУ-ын санхүүгийн корпораци, Хөрөнгө оруулалтыг баталгаажуулах олон талт агентлагийн удирдлагуудтай уулзалт хийхээр төлөвлөөд байгаа ажээ

Ерөнхий сайд Ч.Сайханбилэг АНУ-д айлчлах үеэрээ Нью-Йорк хотын Хөрөнгийн биржид зочилж үйл ажиллагаатай нь танилцах юм байна.  Айлчлалынхаа төгсгөлд “Bloomberg News” мэдээллийн агентлагийн төвд зочилж, уулзалт ярилцлага хийх ажээ.