“Atlas Corps”-аас  төрийн бус байгууллага, нийгмийн салбарт ажилладаг залууст АНУ-д ажиллах тэтгэлэгт солилцооны хөтөлбөрийг зарлажээ. “Atlas Corps” нь дэлхий нийтийн өмнө тулгамдсан томоохон асуудлуудад шийдэл авчрах инноваци, хамтын ажиллагааг сурталчлан дэмжих үйл ажиллагаа явуулж буй ашгийн бус байгууллага, хувь хүмүүсийг хамарсан олон улсын сүлжээ бөгөөд ирээдүйн манлайлагчдыг бэлтгэх, байгууллагын нөөц чадавхийг дээшлүүлэх, инновацийг сурталчлан таниулах зорилгоор жил бүр  ашгийн бус салбарын мэргэжилтнүүдэд бүтэн тэтгэлэг олгож, солилцооны хөтөлбөрт хамруулдаг ажээ. Энэхүү хөтөлбөрт хамрагдсанаар  АНУ дахь ашгийн бус байгууллагад 12-18 сарын хугацаатай дадлага хийж, ядуурал, эрүүл мэнд, хүний эрх, хүрээлэн буй орчны асуудал болон боловсролын салбарт хийдэж буй шинэчлэлийн туршлагаас суралцаж, өөрийн мэдлэг чадварыг дээшлүүлэх боломж бүрддэг байна. Оролцогчид хөтөлбөр дууссаны дараа улсдаа тулгамдаж буй асуудлуудыг шийдвэрлэхэд хувь нэмрээ оруулж, дэлхийн сүлжээг үүсгэн байгуулахад туслах үүрэгтэй ажээ. 

Өргөдөл хүлээн авах сүүлийн хугацаа: 2015.07.15