Нийгэмдээ хувь нэмрээ оруулах, өөрийгөө хөгжүүлэх чин хүсэл эрмэлзэлтэй залуучуудад зориулсан Зориг Сангийн 13 дэх удаагийн "Залуу манлайлал хөтөлбөр"-зарлагдлаа. Өнгөрсөн арав гаруй жилийн хугацаанд эгнээндээ 250 гаруй залуучуудыг нэгтгэсэн манай хөтөлбөр нь залуу мэргэжилтнүүдэд зориулан манлайлах чадварт суралцах, олон салбарын манлайлагчидтай холбоо тогтоох ховор боломжуудийг олгодгоороо онцлоготой. Хөтөлбөрийн хүрээнд оролцогч залуучууд Монголын өнөөгийн хөгжлийн асуудлуудтай цогцоор нь танилцан, олон талын чадваруудыг эзэмшиж, цаашид салбар бүрт хамтран ажиллах өргөн харилцаа холбоотой болох юм. Оролцохыг хүсэгчид нь 22-25 настай, их, дээд сургууль төгссөн байх шаардлагатай. Хөтөлбөр хичээлийн жилийн туршид долоо хоногт нэг удаа 3 цагаар явагдана. Өргөдлийг онлайн http://www.jotformpro.com/zorigfoundation/YLP2016 хаягаар бөглөх бөгөөд 2015 оны 8 сарын 31-ний өдрийн 18 цаг хүртэл хүлээн авах ажээ.