Радклифф институт нэг жилийн хугацаатай, олон салбарыг хамарсан энэхүү тэтгэлэгт хөтөлбөрөө оюуныг дээдэлсэн, нээлттэй, чөлөөт орчинд удирдан явуулдаг. Тус институтээс жил бүр хүмүүнлэг, байгаль, нийгмийн шинжлэх ухааны салбарын эрдэмтэн судлаачид болон уран бүтээлчдийн төлөөлөл болсон 50 хүнд бүтэн тэтгэлэг олгодог.

Дээр дурдсан салбаруудад ажиллаж буй баг, хувь хүмүүс Радклифф институтийн тэтгэлэгт хамрагдсанаар өөрсдийн төсөл хөтөлбөрийн судалгаан дээр ажиллахаас гадна 75,000 доллар хүртэлх тэтгэмж авах юм. Түүнчлэн хөтөлбөрийн зарим оролцогчид АНУ-д ирэх замын зардал зэрэг нэмэлт санхүүгийн туслалцааг сургуулиас авах боломжтой байдаг.

2016 оны есдүгээр сараас 2017 оны тавдугаар сарын 31-ний хооронд Харвардын их сургуулиас хөтөлбөрт оролцогчдыг судалгаа хийх, уран бүтээл туурвихыг нь дэмжиж, албан өрөө эсвэл уран бүтээлийн студи гаргаж өгөхөөс гадна номын сан болон сургуулийн бусад дотоод нөөц бололцоог ашиглах эрх олгоно. Визуал арт, кино, дэлгэцийн уран бүтээлчид өөрийн хүслээр нэг улирлын хөтөлбөрт хамрагдаж болно.

Тавигдах шаардлага:

Өргөдөл гаргагчийн салбараас хамаарч харилцан адилгүй байна.

Өргөдөл хүлээн авах сүүлийн хугацаа:

Хүмүүнлэг, нийгмийн шинжлэх ухааны эрдэмтэн судлаачид болон уран бүтээлчдийн өргөдлийг 2015.09.24, математик болон байгалийн шинжлэх ухааны салбарын эрдэмтэн судлаачдын өргөдлийг 2015.10.15 хүртэл тус тус хүлээн авна.

Тэтгэлэгт хөтөлбөрийн талаар дэлгэрэнгүй мэдээлэл авахыг хүсвэл ЭНД дарна уу.