Замын хөдөлгөөний аюулгүй байдлын тухай шинэчилсэн хууль есдүгээр сарын 1-нээс хэрэгжиж эхэлсэн билээ. Шинэ найруулгаар замын хөдөлгөөний дүрэмд олон өөрчлөлтүүд орсон. Өөрөөр хэлбэл зөрчил гаргасан жолооч, замын хөдөлгөөнд оролцож буй явган зорчигч нараас авах торгуулийн хэмжээ нэмэгдэж, торгуулах заалтууд ч ихэссэн. Гэвч үүний хэрээр гарах зөрчлүүд багассан байгаа нь сайшаалтай.

Жишээ нь нийт ослын тоо 37%-иар, ослын дуудлага 31,7%, согтуугаар жолоо барих явдал 59%, хүн гэмтсэн ослын тоо 58,8%-иар тус тус буурчээ. Доорх графикт есдүгээр сарын 2-ны байдлаар гарсан нийт осол болон бусад зөрчлүүдийг өнгөрсөн жилийнхтэй харьцуулан гаргалаа.