Ирэх Лхагва гарагт Аpple Компани Билл Грахам Аудиториумд шинэ бүтээгдэхүүнээ танилцуулах билээ. Уг арга хэмжээний үеэр олны дунд шуугиан тариуд буй “iPad Pro” нэртэй илүү том iPad-аа олонд танилцуулах магадлалтай байгаа юм.

Энэхүү том iPad-ны талаар нэлээн удаан хугацаанд шуугсан ч компанийн зүгээс ямар нэгэн мэдэгдэл хийгээгүй өдийг хүрсэн билээ. Харин 9to5Mac-ийн Марк Гурман энэ өдөр тус iPad-ыг танилцуулах магадлалтай хэмээн мэдэгдээд байгаа ажээ. Гэвч зарим эх сурвалжуудын мэдээлж буйгаар энэ өдөр шуугиан тариад байгаа том iPad-ыг танилцуулахгүй бөгөөд үүнийг танилцуулахын тулд ирэх 10 эсвэл 11 сард тусгай арга хэмжээ зохион байгуулах магадлалтай байгаа юм.

Энэ нь эрчим хүчний хэрэглээ ихтэй хэрэглэгчдэд илүү тохиромжтой болж ирсний сацуу, 12 инчийн дэлгэцтэй, iOS 9.1 үйлдлийн системтэй, Fource Touch мэдрэгчтэй юм. Мөн энэ үеэр iPhone гар утасны шинэ загварууд болон, Apple телевизор мөн Apple цагний шинэ загвар таницуулагдах юм.