Туркийн нийслэл Анкара хотод болсон соробан болон түргэн бодолтын тэмцээнд монгол улсаа төлөөлөн оролцсон Монголын Оюун Ухааны Академийн тамирчин хүүхдүүд амжилттай оролцож  2 цом 13 медаль хүртжээ. Тодруулбал, тус тэмцээнд  Монголын Оюун Ухааны Академийн тамирчид Б.Болд-Эрдэнэ, Б.Хангал, С.Чинбаатар,  Б.Ариунзаяа, Б.Бат-Эрдэнэ нар оролцож эхний тэмцээн буюу соробаны тэмцээнд 256 хүүхэд оролцсноос 10 настай Б.Хангал эхний гуравт шалгарч цомын эзэн болсон бол дараагийн тэмцээн болох 8 оронтой 2 тооны үржвэр, хүн хуанли, 10 оронтой 10 тооны нийлбэр, Флаш Анзан, Язгуур гаргах зэрэг түргэн бодолтын тэмцээнд 87 хүүхэд оролцсноос манай тамирчид мөн амжилт гарган медалийн эзэд болжээ.