Нийгэм
“Оюу толгой” ХХК гадаадад суралцуулах тэтгэлэгт хөтөлбөрөө зарлажээ

2015-09-14 03:06
Монголын оюутан, залууст Канад, Австрали, АНУ зэрэг орны нэр хүндтэй их сургуулиудад уул уурхайн чиглэлээр магистрын түвшинд суралцахад нь дэмжлэг үзүүлэх зорилготойгоор “Оюу толгой” ХХК-ийн гадаадын тэтгэлэгт хөтөлбөрийг 2011 оноос хойш хэрэгжүүлж байгаа билээ. Энэ хичээлийн жилд “Оюу толгой” ХХК-иас Канадын Бритиш Колумбын их сургууль, Австралийн Куртиний их сургуульд суралцуулахаар болж тэтгэлэгт хамрагдах хүсэлтэй оюутнуудын өргөдлийг хүлээн авч байгаа ажээ.
Тэтгэлэгт:
- Сургуулийн өргөдлийн төлбөр,
- Сургалтын төлбөр,
- Байрны төлбөр,
- Ном, сурах бичиг авах дэмжлэг (жилд нэг удаа),
- Сар бүрийн тэтгэмж,
- Гадаад оюутны эрүүл мэндийн даатгал,
- Виз, олон улсын нислэгийн зардал.
- “Оюу толгой” ХХК-д дадлага хийх боломж
Тэтгэлэгт хөтөлбөрийн ерөнхий шалгуур:
- Монгол Улсын иргэн байх,
- Сурлагын голч дүн 3.4 түүнээс дээш байх (4.0 хүртэлх томъёоллоор),
- Уул уурхай, металлурги, баяжуулалт, механик, цахилгааны инженер, геологи, орчин ба хөдөлмөрийн эрүүл мэнд болон байгаль орчин чиглэлээр 2015-2016 оны хичээлийн жилд Монгол Улсын магадлан итгэмжлэгдсэн их, дээд сургуулийн төгсөх ангид суралцаж байгаа, эсвэл магадлан итгэмжлэгдсэн их, дээд сургуулийг сүүлийн гурван жилийн дотор төгссөн байх,
- TOEFL (80 оноо болон түүнээс дээш) эсвэл IELTS (6.5 оноо болон түүнээс дээш) шалгалтын албан ёсны оноотой байх, тус онооны хүчин төгөлдөр хугацаа 2016 оны 3 дугаар сар байх,
- Бусад тэтгэлэгт хөтөлбөрт хамрагдаагүй байх,
- Одоогоор “Оюу толгой” ХХК-д хөдөлмөрийн гэрээгээр ажиллаагүй байх.
Өргөдөл хүлээн авах хугацаа: 2015 оны 10.09-ний 5:00 цагаас өмнө
Дэлгэрэнгүй мэдээллийг эндээс