Энэ сарын 23, 24-ний өдрүүдэд Хууль зүйн үндэсний хүрээлэнд аймаг, нийслэлийн Засаг даргын Тамгын газрын Хууль зүйн хэлтсийн мэргэжилтэн, Гэмт хэргээс урьдчилан сэргийлэх салбар зөвлөлийн ажлын мэргэжилтнүүдийг хамруулсан ур чадварыг дээшлүүлж, чадавхижуулах сургалт-семинар зохион байгуулагдана.

Уг арга хэмжээнд УИХ-аар шинээр батлагдсан хуулиуд, түүний хэрэгжилт, үр дүн болон шинэчлэн найруулж буй, одоо мөрдөгдөж байгаа  хууль түүнд оруулах өөрчлөлт, хуультай холбогдон гарсан дүрэм журмын талаар мэдээлэл хүргэх ажээ.

Сургалтыг :

• Захиргааны ерөнхий хуулийн асуудал
• Эрүүл мэндийн даатгалын тухай, түүнийг дагаж мөрдөх журмын тухай хууль
• Хөдлөх эд хөрөнгийн барьцааны тухай хууль
• Хуулийн этгээдийн улсын бүртгэлийн тухай хуулийн хэрэгжилт
• Мал хулгайлах гэмт хэрэгтэй тэмцэх, түүнээс урьдчилан сэргийлэх
• Согтуугаар үйлдэж буй гэмт хэрэг зөрчлийн өнөөгийн байдал, цаашидын асуудал
• Гэр бүлийн хүчирхийлэл, хүүхдийн эсрэг гэмт хэргээс урьдчилан сэргийлэх

гэсэн чиглэлээр зохион байгуулахаас гадна Хууль зүйн яамны бодлого чиглэлийн талаар холбогдох хүмүүс мэдээлэл хийх юм байна.