Органик гоо сайхны бүтээгдэхүүнийг нэг дороос авах дэлгүүртэй боллоо.  Тодруулбал, Goo's eco beauty монгол брэндийн хамт олон дотооддоо үйлдвэрлэсэн органик гоо сайхны бүтээгдэхүүнээрээ  дэлгүүр нээжээ. Тус брэнд нь органик гоо сайхны бүтээгдэхүүнийг эх орондоо үйлдвэрлэж, хэрэглэгчдийн гарт хүргээд жил гаруй хугацааг өнгөрүүлж байгаа гэнэ. Монгол хонины сүүлээр хийсэн гарын саван, байгалийн гаралтай бүтээгдэхүүнээр хийсэн биеийн тос,  гуужуулагч, ванны бөмбөлөг зэрэг 10 гаруй нэр төрлийн органик гоо сайхны бүтээгдэхүүн үйлдвэрлэснээ энэхүү дэлгүүрээрээ худалдаалах ажээ. Дашрамд дурдахад энэхүү бүтээгдэхүүнүүд нь зөвхөн арьсыг гоё сайхан болгоод зогсохгүй эмчилгээний зориулалттай гэдгээрээр мөн онцлог юм байна.