Өнөөдөр ХБНГУ-ын Холбооны Ерөнхийлөгч Иоахим Гаук Монгол улсад айлчлал хийхээр хүрэлцэн ирнэ. Тэрээр Ерөнхийлөгч Ц.Элбэгдоржийн урилгаар энэ сарын 14-16-ны өдрүүдэд Монгол улсад төрийн айлчлал хийж байгаа юм.

Уг айлчлалын үеэр Энхтайваны өргөн чөлөө, Чингисийн талбай, Чингисийн өргөн чөлөөний автозамуудыг тодорхой хугацаанд хаах ажээ. Иймээс айлчлалын хугацаанд хувийн автомашинаас татгалзаж, нийтийн тээврийн хэрэгслийг сонгон үйлчлүүлэхийг анхааруулсан байна.