АНУ-ын UGRAD буюу ОУ-ын бакалаврын тэтгэлэгт хөтөлбөр зарлагдлаа. Тодруулбал, Монгол Улсын магадлан итгэмжлэгдсэн их дээд сургуулийн 1,2 дугаар курсийн оюутнуудад өөрсдийн сурч буй чиглэлээрээ АНУ-ын их дээд сургуульд зэргийн бус солилцоонд хамрагдах боломжийг олгодог UGRAD хөтөлбөр зарлагджээ. Тэтгэлэгт солилцооны хөтөлбөрт хамрагдсанаар Америк багш нар, сурагчидтай хамт суралцаж, АНУ-ын их дээд сургууль, сургалтын системтэй танилцах боломжтой ажээ. 

Тавигдах шалгуур: 

- 3.0-аас доошгүй голчтой байх;

- Англи хэлний чадвар сайтай байх (IBT-ын 61 эсвэл Institutional TOEFL-ын 500 оноо авах чадамжтай байх);

- Өргөдөл гаргах үедээ 18-24 настай байх;

- АНУ-д өмнө нь ямар нэг байдлаар зорчиж байгаагүй буюу цөөн удаа зорчсон оролцогчид давуу талтай

Тэтгэлэгт дараах зүйлийг хамруулна:

- Тээврийн бүх зардал

- Амьдрах буюу хоол унд, орон байрны зардал

- Эрүүл мэндийн даатгал

- Визний зардал

- Аяллын тэтгэмж 

Өргөдөл хүлээн авах сүүлийн хугацаа: 2016.01.01 

UGRAD хөтөлбөрт өргөдөл гаргахдаа:

1. World Learning-ын сурагчдын портал сайтад бүртгүүлэх:exchangeprograms.worldlearning.org

2. Онлайн өргөдлийн маягтыг бөглөж, илгээх 

 Өргөдөлд доорх зүйлүүд багтана:

- Бүрэн гүйцэд бөглөсөн өргөдлийн маягт

- Их дээд сургуулийн бүх семестрийн дүнгийн хуулбар (Англи орчуулгатай)

- Хоёр тодорхойлох захидал (Англи орчуулгатай)

- Англи хэлний албан ёсны шалгалтын дүн (TOEFL/IBT)

Дэлгэрэнгүй мэдээллийг: http://mongolia.usembassy.gov/2016-global-ugrad.html