Монголчуудын ингэнд ботго авахуулах уламжлалт ёс  ЮНЕСКО-гийн биет бус соёлын өвд бүртгэгдлээ.  Тодруулбал, 2015 оны 11 сарын 30-наас 12 сарын 4-ний өдрүүдэд Намибийн Виндхук хотноо ЮНЕСКО-гийн Соёлын биет бус өвийн Засгийн газар хоорондын хорооны ээлжит Х хуралдаан болж байгаа билээ.  Өчигдрийн хуралдаанаар Монгол улсаас нэр дэвшүүлсэн өв болох "Ингэнд ботго авахуулах уламжлалт ёсон" ЮНЕСКО-гийн Яаралтай хамгаалах соёлийн биет бус өвөөр бүртгэлээ.  

Дээрх ангилалд нийт 8 өв нэр дэвшсэнээс 5 нь бүртгэгдсэн байна. Ийнхүү Монголын 13 дахь соёлын биет бус өв ЮНЕСКО-д бүртгэгдлээ