Улсын их хурал

Сонгуулийн хуулийг өөрчлөх шаардлагыг хүлээж авахгүй бол “Үндэсний фронт” байгуулж хатуу тэмцэнэ

М.Энхмаа news.trends.mn
2015-12-15 14:16

Өнөөдөр Монгол улсад бүртгэлтэй Улс төрийн 21 намын дарга нар Сонгуулийн хуулийг өөрчлөхийг шаардаж мэдээлэл хийлээ.

Энэ үеэр МАН-ын ерөнхий нарийн бичгийн дарга Ж.Мөнхбат: “Энэхүү шаардлагаа хоёр хоногийн хугацаатай хүргүүлж байгаа. Шаардлагыг биелүүлж, хариу бичгийг энэ сарын 18-ны өдрийн 10.00 цагаас өмнө өгөхгүй бол улс төрийн намууд улсын хэмжээнд 21 аймаг 330 суманд “Үндэсний фронт” байгуулж, хатуу тэмцэнэ” гэдгээ мэдэгджээ.

Өмнө нь эдгээр улс төрийн намууд Сонгуулийн хуулийг нэн даруй хэлэлцэж батлах тухай шаардлагыг УИХ-ын даргад хүргүүлэн шаардлагын хариуг нэхэж бүх нийтийн тайван жагсаал цуглаан байгуулсан юм.