Баримт 1

Дундговь аймагт 1972 онд төрсөн бөгөөд одоо нөхөр хоёр охины хамт амьдардаг.

Баримт 2

1990 онд аймгийнхаа 10-н жилийн сургуулийг төгсөөд МУБИС-д сурган, сэтгэл судлалын багш мэргэжлээр суралцаж төгссөн. Түүнчлэн 1999 онд  Удирдлагын академийг төрийн удирдлагын менежерээр төгссөн бол, 2004 онд АНУ-ын Коннектикут мужийн Бридж Фортын их сургуулийг боловсролын  магистр зэрэгт хамгаалсан байна.

Баримт 3

1996-2001 оны хооронд МСДН-д улс төрийн ажилтан, УИХ-ын гишүүний бие төлөөлөгч, Тамгын газарт мэргэжилтэн зэрэг албан тушаалуудад ажиллаж байлаа.

Баримт 4

2007-2008 онд АН-ын Бодлогын зөвлөлд улс төрийн ажилтан, 2008-2012 онд АН-ын нарийн бичгийн дарга, Хүний хэлстийн даргаар ажилласан.

Баримт 5

АН-ын нарийн бичгийн дарга, Хүний нөөцийн хэлтсийн даргаар ажиллаж байхдаа “Монгол хүн-2020” хөтөлбөрийг хэрэгжүүлэхэд ҮЗХ-ны гишүүдээс бүрдсэн “Ажилтай орлоготой Монгол хүн”, “Аюулгүй орчинтой Монгол хүн”, “Эрх чөлөөтэй Монгол хүн”, “Эрдэм боловсролтой Монгол хүн”, “Эрүүл чийрэг Монгол хүн ” гэсэн 5 дэд ажлын хэсгийг ахлан нэг жилийн дотор 21 аймгийг тойрон ажилласан.

Баримт 6

Тэрээр намын гишүүдийнхээ боловсрол, мэдлэгийг дээшлүүлэх чиглэлд Ардчилсан Намын “Сум-330 тэтгэлэгт хөтөлбөр”-ийг анх санаачилж хэрэгжүүлсэн.

Баримт 7

2012-2014 онд Боловсрол шинжлэх ухааны дэд сайдаар ажилласан. 

Баримт 8

2015 оны 1 сараас Ерөнхий Сайдын Нийгмийн бодлогын зөвлөхөөр ажиллаж байна.