Улсын их хурал

ҮХЦ-ийн даргыг чөлөөлөх асуудлаар МАН-ын бүлэг завсарлага авлаа

М.Энхмаа news.trends.mn
2016-01-28 11:37

Өнөөдөр УИХ-ын чуулганы нэгдсэн хуралдаанаар  хэлэлцэх асуудлын жагсаалтад Үндсэн хуулийн цэцийн дарга Ж.Амарсанааг чөлөөлөх асуудал багтсан байна. Гэвч энэ асуудлаар МАН-ын бүлэг тав хоногийн завсарлага авснаар Үндсэн хуулийн цэцийн даргыг чөлөөлөх асуудал хойшиллоо. 

Хууль зүйн байнгын хорооны өчигдрийн хуралдаанаар ҮХЦ-ийн даргыг чөлөөлөх асуудлыг хэлэлцэн УИХ-аар хэлэлцэхийг дэмжсэн юм. Байнгын хорооны хуралдааны үеэр МАН-ын гишүүд хэлэлцэх асуудлын жагсаалтад ороогүй асуудлыг оруулж ирж хэлэлцэж байгаа нь дэгийн тухай хуулийг зөрчиж байгаа тул завсарлага авах хүсэлтэй байгаагаа илэрхийлсэн ч хүлээн аваагүй байна.