Засгийн газар

Хурдан морины бооцоот уралдааны тухай хуулийн төсөлд дүгнэлт өгнө

А.Сэвжид news.trends.mn
2016-05-30 10:49

Засгийн газрын ээлжит хуралдаан өнөөдөр 16.00 цагт товлогджээ. Хуралдаанаар нийт 17 асуудал хэлэлцэж, гурван асуудлаар мэдээлэл сонсох юм байна.

Хэлэлцэх асуудалд УИХ-ын нэр бүхий гишүүдийн өргөн мэдүүлсэн хуулийн төслүүд багтжээ. Тухайлбал, УИХ-ын гишүүн Л.Болдын санаачилсан Сонгуулийн тухай хуулийн төсөлд нэмэлт оруулах тухай төсөл гурав дахь удаагаа хэлэлцэх асуудлын жагсаалтад орж иржээ. Энэ төсөлд залуучуудын квот тогтоох тухай заалт туссан юм. Залуучуудын квотыг хуульд тусгаж өгөхгүйгээр Монголын хүн амын 60 хувийг эзэлдэг залуучуудыг төлөөлсөн төлөөлөл УИХ-д орж ирэхгүй байна гэж тэрбээр үзэж буй. Гэвч Засгийн газар өмнө нь эл хуулийн төслийг хоёр удаа хэлэлцэхээр дараалалд багтаасан ч хойшлуулж байсан юм.

Хуралдаанаар хэлэлцэх асуудал

Хэлэлцэх асуудал

Засгийн газрын гишүүн

1.

Төлөвлөгөө батлах тухай (Газар хөдлөлтийн гамшгаас урьдчилан сэргийлэх, эрсдэлийг бууруулах арга хэмжээний тухай)

Ц.ОЮУНБААТАР

2.

Хөрөнгө гаргах тухай

С.БАЯРЦОГТ

3.

Засгийн газар хоорондын хэлэлцээрийн тухай*

Л.ПҮРЭВСҮРЭН

4.

Улсын Их Хурлын гишүүн С.Одонтуяагийн санаачлан боловсруулсан Хурдан морины бооцоот уралдааны тухай хуулийн төсөлд Засгийн газраас өгөх санал, дүгнэлтийн тухай

Д.ДОРЛИГЖАВ

5.

Улсын Их Хурлын гишүүн Л.Болдын санаачлан боловсруулсан Сонгуулийн тухай хуульд нэмэлт оруулах тухай хуулийн төсөлд Засгийн газраас өгөх санал, дүгнэлтийн тухай

Д.ДОРЛИГЖАВ

6.

Улсын Их Хурлын гишүүн Д.Ганхуяг нарын санаачлан боловсруулсан Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай хуулийн төсөлд Засгийн газраас өгөх санал, дүгнэлтийн тухай

Д.ДОРЛИГЖАВ

7.

Улсын Их Хурлын гишүүн Б.Бат-Эрдэнэ нарын санаачлан боловсруулсан Нэмэгдсэн өртгийн албан татварын тухай хуульд нэмэлт, өөрчлөлт оруулах тухай хуулийн төсөлд Засгийн газраас өгөх санал, дүгнэлтийн тухай

Д.ДОРЛИГЖАВ

8.

Улсын Их Хурлын гишүүн Г.Уянгын санаачлан боловсруулсан үйл ажиллагааны түрээсийн тухай хуулийн төсөлд Засгийн газраас өгөх санал, дүгнэлтийн тухай

Д.ДОРЛИГЖАВ

9.

Улсын Их Хурлын гишүүн Н.Номтойбаярын санаачлан боловсруулсан Малчдын нийгмийн баталгааны тухай хуулийн төсөлд Засгийн газраас өгөх санал, дүгнэлтийн тухай

Д.ДОРЛИГЖАВ

10.

Тогтвортой хөгжлийн зорилгын үндэсний түвшний шалгуур үзүүлэлтүүдийн тухай

Б.БОЛОР

11.

Газрыг улсын тусгай хэрэгцээнд авах тухай  

Н.БАТЦЭРЭГ

12.

Журам батлах тухай (Улсын болон орон нутгийн номын сангийн сан хөмрөгийг байгалийн гамшиг, гэнэтийн бусад аюулын үед нүүлгэн шилжүүлэх журам)

Л.ГАНТӨМӨР

13.

“Сав, баглаа боодол” үндэсний хөтөлбөрийн тухай

Р.БУРМАА

14.

Мэргэжлийн боловсрол, сургалтын Үндэсний зөвлөлийн бүрэлдэхүүн, дүрмийг шинэчлэн батлах тухай

Г.БАЯРСАЙХАН

15.

Үүрэг хүлээсэн хэрэглэгчийн босго хэмжээг тогтоох тухай

Д.ЗОРИГТ

16.

Журам батлах тухай (Эрчим хүчний аудит хийх тухай журам)

Д.ЗОРИГТ

17.

Бусад асуудал*

Ч.САЙХАНБИЛЭГ

Танилцуулах асуудал

18.

Монгол Улсын Нээлттэй засгийн түншлэлийн 2016-2018 оны үйл ажиллагааны үндэсний төлөвлөгөөний талаар*

С.БАЯРЦОГТ

19.

“Төв Азийн Уран” ХХК-ийн талаарх танилцуулга

Р.ЖИГЖИД

20.

Улаанбурхан өвчний байдал, түүний тархалтыг бууруулах чиглэлээр хэрэгжүүлж байгаа арга хэмжээний талаар*

С.ЛАМБАА