Дэлхийд зөвхөн Монгол улсад байдаг мазаалай 22-хон тоо толгой үлдсэн байгаа тухай сошиал ертөнцөд сүүлийн үед хүмүүс идэвхтэй ярих болсон билээ. Харин ихэнх нь тодорхой зорилго чиглэл, үр дүнгүй олон нийтийн хандалтыг татах л зорилготой зүйлс байгаа харагдана. Тэгвэл сүүлийн хоёр хоног олны танил алдартнууд болон фейсбүүк хэрэглэгчдийн дунд эрчтэй явж буй нэгэн компанит ажил өвөрмөц нэр болон зорилгоороо бусдаасаа ялгарч байна. Мазаалай баавгайг сонгуульд нэр дэвшүүлье нэртэй уг компанит ажил нь: 

-Монгол улсын УИХ сонгуульд нэр дэвшигчдийн мөрийн хөтөлбөрт мазаалайг хамгаалах талаар тусгуулах

-Монгол улсын фейсбүүк нийт хэрэглэгчдийг нэгтгэн Фейсбүүк компанид #SaveTheMazaalai профайл зураг үүсгэх функц нэмүүлэх санал тавих (Жишээ: Pray for paris, Mothers Day)

-Дэлхийн байгаль хамгаалах сан (WWF)-н логог Мазаалайн логогоор солих (Одоо Пандагийн лого бий) гэсэн томоохон зорилготой, олон нийтийг хөдөлгөөн юм. Уг ажлыг үл хөдлөх хөрөнгийн зарын www.hurungu.mn групп болон дэвшилтэт маркетинг, бизнес хөгжүүлэлт, мэдээлэл технологийн чиглэлээр үйл ажиллагаа явуулдаг The New Media Group хамтран зохион байгуулж байгаа бөгөөд аяны зорилтын биелэлт, нэр дэвшигчдийн мөрийн хөтөлбөрт тусгагдан их хуралд сонгогдсон тохиолдолд тухайн ажлын биелэлтийг хариуцан ажиллах юм байна. Компанит ажлыг санаачлагчдын хэлж буйгаар аян нь сайн дурын үйл ажиллагаанд үндэслэгдэж байгаа тул Монгол хүн та өөрийн эх оронд л байдаг Мазаалай баавгайг устаж үгүй болохоос өмнө нь хамтдаа аварцгаая гэж уриалж байгаа бөгөөд үүний тулд танаас зөвхөн өөрийн сошиал хуудаснуудад шэйр хийхэд л хангалттай гэдгийг хэлжээ.

Аяны талаар дэлгэрэнгүй мэдээллийг – http://mazaalai.pgtb.me/vMQ0Nc

Харин шэйр хийж олон нийтэд түгээх пост - https://goo.gl/9Hy2EJ

Ингээд үүнийг уншиж буй Монгол хүн та нийгмийн хариуцлагын хүрээнд өөрийн чадах чинээгээрээ энэхүү аяныг түгээгээрэй!