УИХ-ын гишүүн Л.Эрдэнэчимэг Төрийн ордонд ажлын өрөөндөө согтууруулах ундаа уучхаад тамхи татаж буй бичлэгийг Ийгл телевизийн сэтгүүлч н.Алтаншагай, Хуульч н.Бат-Ялалт нар олон нийтэд ил болголоо.

Хэвлэлийн бага хурлын үеэр сэтгүүчл Н.Алтаншагай

“Энэ асуудал бол сонгуультай холбоогүй.  Юу гэвэл зургаан сарын эхээр нэргүй дугтуй ирсэн. Үүнийг Иргэний мэдээ нэвтрүүлэгтээ ашиглаарай, энэ хүнийг оролцуулаарай гэсэн бичигтэй улаан флаш ирсэн. Флашан дотор 26 секундынн бичлэг байсан. Бичлэгэнд юу гарсан гэхээр Л.Эрдэнэчимэг гишүүн Төрийн ордонд архи уучихсан,  тамхи татчихсан. Ёс бус үг хэллэг хэрэглээд, тамхины тухай хууль чинь шоу ш дээ гэх харилцан яриаг эсрэг талынхаа хүмүүстэй ярьж байгаа бичлэг. Тэгээд иргэний мэдээ нэвтрүүлэгт оролцуулна гэсэн чинь надад цаг  хугацааны хувьд  боломжгүй, би өөрөө нэр дэвшигч учраас. Тэгээд би хууль Бат-Ялалт найзтайгаа ярилцаад  яах уу гэсэн. Тэгсэн Бат-Ялалт Эрдэнэчимэг гишүүнтэй холбоо бариад ийм бичлэг байна яах уу гэсэн. Дансаа өгчих гээд насан туршийн зээл гэсэн нэрээр 50  сая төгрөг шилжүүлсэн. Өөрөөр хэлбэл 26 секундийн бичлэгийг 50 сая  төгрөгөөр худалдаж авч байгаа юм.  Бид хоёрын хувьд энэ мөнгийг ч гэсэн гишүүнд аваачиж өгнө” гэв

Хуульч Н.Бат-Ялалт “50 сая төгрөг гэдэг бол төрийн албан үнэнч шударгаар хөдөлмөрлөөд олох юм бол маш их мөнгө. Энэ бол ичгүүртэй үйл явдал. Үүнийг шууд цацчих гэсэн чинь хаалтын гэрээ гэдэг нь байдаг учраас шууд өөртэй нь холбогдоод бичлэгээ үзүүлсэн чинь Ямар үнэтэй вэ, дансаа өгчих гэсэн. Тэгсэн өчигдөр өглөө миний дансаар тавин сая төгрөг орж ирсэн. Тэгсэн мөртлөө зээл гэсэн утгай орж ирсэн. Би энэ чинь зээл юм уу гээд хариу бичсэн чинь насан туршийн зээл гэсэн хариу ирсэн. Би энэ хүнд насан туршдаа өртэй амьдрах юм байна л даа. Үүнээс болж Чингэлтэй дүүргийн цагдаагийн газраас утастаад Г.Уянга гишүүний алдагдсан утсан дээрх бичлэг танд очсон байна гэсэн. Би ямар бичлэг гээд асуусан чинь мэдэхгүй гэсэн. Тэгээд би Г.Уянга гишүүн рүү утастаж асуусан “Энэ юу яриад байгаа юм бэ” гэсэн чинь харин тиймээ Л.Эрдэнэчимэг гишүүн над руу ууртай утастаад чиний утсан дээрээ бичсэн бичлэг чинь  Н.Бат-Ялалтын гарт очсон байна гээд” уурласан гэж хэлсэн Одоо  Цагдаагийн байгууллага надаас мэдүүлэг авна гэсэн” гэж хэллээ” гэж хэллээ.